Thursday, January 25, 2018

වවුල් වස්තුව - 02 කොටස

බලන්න අපුරුය. ඒ භුමිය එකම වවුල් විමානයකි ! (වවුල් වස්තුව - 01 කොටස)

අද එතැන් සිට වවුල් වස්තුව 02 දිගහැරෙන වගයි..................... 


Image Source : https://pbs.twimg.com/media/CEgra5eWAAEPw9f.png:large

තැනෙක තරුණ බවෙන් සහ ජයග්‍රහණයෙන් ඔද වැඩුණු නාඹර කිරි වව්ලන්ය. තවත් තැනෙක නෙක රූප ලවන්‍යයෙන් ආධ්‍ය වූ දෙවඟනන් බඳු වූ ලලනාවන්ය. සැවොම සිනාසෙති. උසුළු විසුළු කරගනිති. මුහුණු ඇදකර සෙල්ෆි ගසති. 

මේ අතර "තම දරුවන්ගේ විස්කම් අද අද බලනෙමු" යැයි ඔද වැඩීගිය නෙක රූ ශ්‍රීයෙන් සැරසීගත් දෙමාපියන්යැයි. තැනෙක දරුවන්ගේ හිස පිරති. තැනෙක මුහුණු උලාගනිති. තැනෙක වවුල් ඇඳුම ඇඟලා ගැනුමට තම පොඩි වුන්ට  උදව්වෙති. 

මව්තුමියට අනිකුත් මව්වරුන් සමඟ එකතුවන පාර පෙන්නාදී, වැන් කොටයේ රියදුරු හට උදේට යමක් ගිලදැමීමට කියා ගණනක් අතමිට මොළවා, දී ඇති අවසර පත සාක්කුවේ රුවා,  ඒ භුමිය වෙත පය තැබුවෙමි.

හුටා ! මමත් graduation නේද ආවේ. කෝ යකෝ ටයි එක? අප්පටසිරි ඇතුලට කථා කරනවා ඔන්න ඒ පාර. දනි පනි ගා ඉංගිරිස් කොට් බෑය සහ ටයි පොල්ල බෙල්ලේ එල්ලගෙන වවුල් ඇඳුම අතක රුවාගෙන ඇතුලට දිව ගියේ වාඩි ගැන්වීමට පෙර  තව කළ යුතු අතවශ්‍යම කාර්යයක් ඉතුරුව ඇති බැවිනි.

"Please be in this queue !" 

කිසිදා දැක නැතිමුත්, පොරක් යැයි අනුමාණ කළ හැකි මහත්මයෙක් මගේ දිහා බලා එසේ කිය. අප්පට සිරි, මෙවර මම අයිති වන මෙරුන් පැහැ වවුල් කුලයේ පෝලිමක් නේද මේ? එත් දැන්ම කොහොමෙයි මෙතනට යන්නේ?

"Sir I'll come back soon."

අතවශ්‍ය කාරණයක් ඉටු නොකර දැන්ම මෙතනට එකතු වුවහොත්, තව පැය ගණනක් යනතෙක්ම සුළු දිය බර සැහැල්ලු කරගැන්මට නොහැකි වන බව දත් මා එසේ කියාදමා දිව ගියේ අදාළ කාර්යය ඉටු කරගැන්මටය.

කොහොමෙන් කොහොමෙන් හරි  BMICH ඇතුළට ගියා කියමුකෝ. කේන්දරේ ග්‍රහයන් අදත් නීච වෙලාද කොහෙද, ඉදිරිපස පෙළට පසු පෙළ හිමිවෙලා ඔන්න. උත්සවය අතර තුර පිටිපස්සකට වී නින්දක් දාන්න කරපු ප්ලෑන් වතුරේ යයි වගේ. ඒත් ලෙක්චර් වල ඉදිරිපෙළ ක්‍රීඩා කර, පන්තියටම ඇසෙන්න ගොරවා (නිදාගෙන ) වාර්තා පිට වාර්තා ඇති එකෙක් සැලෙයිද ඕවට !

නෙක වර්ණ ඇඳුම් ඇඳ, නෙක වර්ණ හිස් වැසුම් පැළඳ, මහ වවුල් ගණයා සභාවට සැපත් වූ බවත් ඊට පසු මොන මොනවදෝ කියා බෙල්ලට මාලා දමන්නට පටන් ගත් බවටත් මතක ඇතත්, කොහේ ගියත් කරන්නට වැඩක් නැතිනම් automatic power saver mode (ඔව් ඔව් බාගෙට නිදාගැනීම තමයි) සක්‍රිය කරගන්නා මා wake up උනේ ළඟ හිටිය අපේ පාලන්ගම අයියගේ තට්ටුවෙන් වෙන්න ඕන.


Image Source: https://i.pinimg.com/736x/63/46/57/634657ecebf8a5ef43f21478dad082d7--political-cartoons-graduation.jpg


වටෙන් ගොස් පෙළ සැදී වේදිකාව කොනට ගොස්, නම කියූ පසු උත්තම මහ වවුල් තුමා වෙත ගොස් බෙල්ලට මාලය දමා ගැනීම කළේ කළින් පුරුද්දෙන් කිව්වොත් නිවැරදියි. එත් කිරි වවුල් උපාධිය 2011 දී පේරාදෙණිය විශ්ව විද්‍යාලයෙන් ගත්ත විදියට වඩා වෙනසක් වුනේ, කළු වෙනුවට මෙවර මෙරුන් පැහැ වවුල් ඇඳුම දැරීමත්, chancellor තුමා තේරෙන ඉංගිරිසියෙන් "wish you all the best" කිව්ව එකත්, අවින්ඥානිකව මම එකට "thank you sir" කිව්ව එකත් විතරද කොහෙද.

උත්සවයේ ඉතුරු ටිකත් hibernate mode එකේම ගෙවා දමලා ඔන්න යන්තම් දවල්  12.30 වෙද්දී එළියට පැනගත්තා. නිකන් දුන්න තේ පැන් සංග්‍රහයත් භුක්ති විඳලා BMICH hall එක ඇතුලේ ඉඳන් photo දෙක තුනකුත් අරන් වවුල් ඇඳුමයි ඉංගිරිස් ටයි කෝට් ටිකයි ගලවලා මව් තුමිය අතේ තිබුන මල්ලකට ඔබාගෙන, උපාධි මාලය දැරූ තම දරුවන් වැළඳ සතුටු කඳුළු වගුරුවන දහසක් දෙමාපියන්ද, තම සිතැඟි පරිදි නෙක නෙක ලෙස පිරිස් මැදි කොට වදින ඉලෙක්ට්‍රොනික ආලෝක ධාරාවන්ද පසු කරලා කැන්ටිමක් හොයාගෙන යන්න පිටත් වුණා.


Image Source : https://classroomclipart.com/images/gallery/Clipart/Graduation/two-students-taking-a-selfie-at-graduation.jpg

අප්පා.... කැන්ටිම තුළද කිරි වවුල් විමානයකි. කළු පැහැ කිරි වවුල් ඇඳුමත්, තම ජිවිත කාලයෙන් වසර හතරක් ගෙවා දමා, එයට වන්දියක් ලෙස පැළඳි උපාධි මාලයත් දහවල් බත් කෑමටවත් ගලවා දමා, ඉහින් කනින් වැගිරෙන දාඩියට විරාමයක් තබන්නට ඔවුන් අකමැති වූ සෙයකි ! දැනට ජීවිතයේ වසර තිහකුත් තව වසර දෙකක් ගෙවා දැමු මට එකවරම මගේ ජිවිතයේ විසි හය වැනි වසරට සිත ඔවුන් ගෙන ගියේ, එදවස මමත් මෙලෙසම හැසිරුණ බව සිහිපත් වීමෙනුයි.

දවල් බතද අවසාන විය! එත් මව්තුමිය තවමත් සතුටු නැති සෙයකි.

"අර ළමයි තව අතන photo ගන්නවා. ඕක අයෙත් ඇඳගෙන photo එකක් ගමු"


"අනේ බෑ අම්මේ, මගේ ඔළුව රිදෙනවා.... අපි යමු."...............................


~~ වවුල් වස්තුව නිමි. ~~


3 comments: